Тегін ыстық тамақ
Тегін ыстық тамақ
«Алматы облысы білім басқармасының Қарасай ауданы бойынша білім бөлімі» мемлекеттік мекемесінің 2020жыл 28 желтоқсан №145 қаулысын
басшылыққа ала отырып, «Жамбыл атындағы орта мектеп» мемлекеттік мекемесіне 188 ерекшелік (жалпыға бірдей
міндетті орта білім беру қорының шығындары) бойынша бөлінген қаражатты
игеруге байланысты және тұрмыс жағдайы төмен, жетім, жартылай жетім,
көп балалы отбасынан шыққан оқушыларға көмек көрсету мақсатында 255 бала асханамыздан тегін ыстық тамақ ішіп жатыр. Оқушылардың тамақтануын ұйымдастырудың іс-шаралар жоспары дайындалып, бекітілді. Балалардың тегін ыстық тамақты ішуін әлеуметтік педагог пен медбике күнделікті қадағалап жүр. Асханаға оқушылардың тамақтану кестесі бекітіліп ілінді. Оқушылардың сынып бойынша тамақтануын кезекші мұғалімдер бақылайды. Әр тоқсан сайын оқушылардың тамақтану табелі жасалып, сынып жетекшілер қадағалап қол қойып отырады.
Тегін ыстық тамақ аудандық білім бөлімі бекітіп берген ас мәзірі бойынша дайындалып, беріліп жатыр. Балалар алдын-ала жасалынған график бойынша тамақтанып жүр. Мектеп әкімшілігі және мектебіміздегі ата-аналар комитетінің төрайымы, «Балалар құқығын қорғау» инспекторы, қамқоршылық кеңес мүшелері, кәсіподақ ұйымының жетекшісі, мектеп медбикесімен бірлесіп тамақ сапасына зерттеу жүргіздік. Нәтижесінде тамақ сапасы жоғары деңгейде екені анықталды. Мектеп ұжымы мен ата-аналардың тамаққа байланысты шағымдары жоқ.
Тегін ыстық тамаққа 255 бала күнделікті толық барып жүр.