Жамбыл Жабаевтың туған күніне 176 жыл

https://www.instagram.com/p/CamviinqWhS/

Бүгін ақын атамыз жыр дүлділі Жамбыл Жабаевтың туған күніне 176 жыл толуына орай мектебімізде “Ғасыр-Ғұмыр” атты мерекелік іс-шара өткізілді. Қонаққа ауыл ақсақалдары мен ардақты ардагер ұстаздарымыз келді. Мектебіміздің ұстаздары мен оқушылар ақын өлеңдерін жатқа айтып, өмір белестеріне шолу жасап, көріністер көрсетті.
Заманымыздың классик жазушысы, атақты Мұхтар Әуезов «Жамбыл – ақыл ойдың алғыры, өзгеге ұқсамайтын дара, оқшау бет-бейнесімен аса зор құбылыс. Оның бірі, әрі эпик-ақын, әрі айтыс-ақыны, әрі азаматтық әуеннің де ақыны» деп бағалаған еді. Ұлы Жамбылды Мұхтар Әуезов мойындаған, Сейфуллин бас иген, Сәбит Мұқанов ардақтаған, Ғабит Мүсірепов еркелеген, Бауыржан Момышұлы бас иген, Мәлік Ғабдуллин құшағына алған. Ромен Роллан, Михаил Шолохов, Павло Тычина, Николай Тихонов, Константин Симонов сияқты әлемдік әдебиеттің өкілдері де ерекше құрметтеген.Қасиетті бабамыз барлық құрметке лайық алып тұлға.