«Сабақты тиімді ұйымдастыру» тақырыбында аудандық семинар

https://www.instagram.com/p/Cam0wzMq1Z7/

«Алматы облысының білім басқармасының Қарасай ауданы бойынша білім бөлімі» мемлекеттік мекемесінің «Жамбыл атындағы орта мектеп» коммуналдық мемлекеттік мекемесінде 2021-2022 оқу жылындағы 1 наурыз күні бастауыш сыныптар арасында «Сабақты тиімді ұйымдастыру» тақырыбында аудандық семинар болып өтті.
«Сабақты тиімді ұйымдастыру» тақырыбында аудандық семинарды «Жамбыл атындағы орта мектеп» коммуналдық  мемлекеттік мекемесінің директорының міндетін атқарушы  Санатбекова Эльмира Асетовна құттықтау сөз сөйлеп, семинарды ашып берді. Аудандық білім бөлімінің әдіскері Бихожаева Гүлнар Нұртазақызы семинар бағдарламасымен қатысушы мұғалімдерді таныстырды.Мектеп психологтары Бастаубаева Дана   Шанбаевна және Каймолдаева Мөлдір Жараковна семинарға келген мұғалімдермен тренинг өткізіп,психологиялық ахуал қалыптастырды. Семинарда сабақ берген  бастауыш сынып мұғалімдері өз сабақтарында функционалдық  сауаттылықты дамыту барысында заманауи білім берудің әдіс-тәсілдерін қолдана отырып, өз тәжірибелерімен бөлісіп, ыстық ықыласқа бөленді. Жамбыл атындағы орта мектебінің бірінші деңгейлі курс тыңдаушылары, тренер  ұстаздар Комарова Анжела Михайловна «Эффективный урок,его критерии и самоанализ» және Кожамбердиева Зухра Куандыковна «Сабақты тиімді жоспарлау» тақырыптарында семинарға келген қонақтармен коучинг өткізіп, зор әсер қалдырды. Іс шара мектеп оқушыларының өнерін тамашалаумен жалғасын тапты. Семинар соңында қатысушы ұстаздар пікір алмасты.Сонымен қатар аудандық білім бөлімінің әдіскері Бихожаева Гүлнар Нұртазақызы өтілген іс шараны қорытындылап мектеп басшысы Накысбеков Дархан Сатылғанұлына және мектеп ұжымына алғысын білдірді.