МЕКТЕПТІҢ ТАРИХЫ
Алматы облысы
Қарасай ауданы
«Жамбыл атындағы орта мектеп» Коммуналдық мемлекеттік мекемесі
МЕКТЕПТІҢ ТАРИХЫ
Жамбыл ауылындағы алғашқы мектеп 1929 жылы ашылған. Бұл жылдар кеңес Үкіметі кезіндегі жалпы халықты сауаттандыру науқанының кезі еді. Мектеп үйлері он шақты кішігірім бөлмелерден тұрған.Қағаздың тапшы уақытында жазу құралдары да болмай, парталар да қолдан жасалған еді. Осы мектепте Болатбек Омаров – батыр пионер, майдангер жазушы Үсенбай Тастанбеков, ақын аталарымыз Молдабек Саламатов пен Саяділ Керімбеков, Омарқұл Итақов, соғыс ардагерлері Молдахметов Сәрсенбай, Молдабаев Ыбырайым, Омаров Қыдырбек, Молдахметов Жексебай, Алматы облыстық мәслихатының депутаты, «Дәулет - Серпін – 603» ЖШС-нің бас директоры болған Серік Донбаев пен Қарасай аудандық Мәслихатының хатшысы Еділ Қалиев сынды азаматтар оқыған.
1980 жылдары мектептегі қазақ сыныптары жабылып, оқу тек орыс тілінде жүргізілді.1982 жылы мектептің осы күнгі үш қабатты, зәулім ғимараты салынып,пайдалануға берілді. Қазақ сыныптары 1990 жылы қайта ашылып, ана тіліміздің мәртебесі көтеріле бастады. 1991 жылы Жеңіс күні қарсаңында мектеп алдында Ұлы Отан соғысында қаза болған жауынгерлерге арналған ескерткіш орнатылды.
2010 жылы абыз ақын, жүз жасаған бәйтерек, ХХ ғасырдың гомері – Жамбыл Жабаевқа арналған мұражай ашылды.
Мектепті 1952 – 1962 жылдары Әбенов Кәрім Әбенұлы
1962 – 1966 жылдары Нүсіп Қажы Нүсіпұлы
1966 – 1977 жылдары Бекмағамбетов Хамит Бекмағамбетұлы
1977 – 1978 жылдары Қошанова Мәрия Қадымқызы
1978 – 1984 жылдары Ким Жұмаділұлы Дүйсеков
1984 – 1989 жылдары Балқанов Мәжит Балқанұлы
1990 – 1991 Сұлтанов Әнуарбек Сұлтанұлы
1991 – 1994 жылдары Қасенова Сара Бидасбайқызы
1994 – 2008 жылдар аралығында Донбаева Зағира Дәлібайқызы
2008 – 2011 жылдары Есперов Абден Баймағанұлы
2011 – 2013 жылдары Сайбырова Тұрсын Әділбекқызы
2013 – 2017 жылдары Оспанова Шолпан Айткуловна
2017 – 2020 жылдары Әділбекқызы Динара
2020 – 2021 оқу жылынан бастап қазіргі кезге дейін Нақысбеков Дархан Сатылғанұлы басқарып келеді.
Жүз жылға жуық тарихы бар мектебіміздің ғимараты – 624 оқушыға арналған. Мектебімізде – оқушы үш ауысыммен оқиды
2018 жылы мектебіміз Алматы облысы бойынша «Ең үздік ауыл мектебі» атағына ие болды.